شرح التقديم في شقق الإسكان الاجتماعي 2018 الإعلان العاشر والأوراق المطلوبة

62

كشفت وزارة الإسكان عن تفاصيل كراسة شروط شقق الإسكان الاجتماعي الإعلان العاشر شهر نوفمبر – ديسمبر 2018 ، حيث نوضح لكم طريقة التقديم في شقق الإسكان الاجتماعي 2018 لحجز شقة بالمدن الجديدة ، وكيفية تحضير الأوراق المطلوبة وما هو سعر الشقة الجديد ، وأيضا طريقة حساب قسط شقة الإسكان الاجتماعي ونسبته من المرتب الشهري وإمكانية تقديم أصحاب المهن الحرة والقطاع الخاص في شقق وزارة الإسكان عبر صندوق التمويل العقاري والبنوك المصرية.

طريقة التقديم في شقق الإسكان الاجتماعي الاعلان العاشر شهر نوفمبر 2018 سعر الشقة والاوراق المطلوبة
طريقة التقديم في شقق الإسكان الاجتماعي الاعلان العاشر شهر نوفمبر 2018 سعر الشقة والاوراق المطلوبة

 

أماكن شقق الإسكان الاجتماعي 2018 الإعلان العاشر

أما عن أماكن شقق الإسكان الاجتماعي المطروحة فهي في 22 محافظة، وموزعة كالتالي: – طرح 120 ألف وحدة ضمن الإعلان العاشر للإسكان الاجتماعي في 5 مدن جديدة، هي: مدينة بدر، العبور، مدينة أكتوبر الجديدة،السادات، مدينة 15 مايو ، العاشر من رمضان، المنيا الجديدة، أسوان الجديدة، والغردقة.

 

موعد طرح كراسة الشروط و موعد حجز شقق الإسكان الاجتماعي نوفمبر 2018 وأماكن شراء كراسة شروط شقق الإسكان

يبدأ طرح كراسة شروط شقق الإسكان الاجتماعي 2018 في مكاتب البريد على أن يكون موعد حجز شقق الإسكان الاجتماعي في مكاتب البريد أيضا بداية من شهر نوفمبر- ديسمبر 2018.

حيث سيتم طرح وحدات سكنية بنظام التمليك، بالمحافظات والمدن الجديدة وتقسيم الشقة كالتالي (3 غرف وصالة، بمساحة 90 مترا مربعا)، في عدد من المحافظات ، وتتاح كراسة الشروط من مكاتب البريد في المدن والمراكز، بسعر 60 جنيها.

 

شروط حجز شقة في مشروع الإسكان الاجتماعي 2018

– يجب أن يكون المتقدم للحجز من أبناء المحافظة أو المقيمين بها والمرتبط بها عملاً أو إحدى المدن الجديدة التابعة، أو المحافظات المجاورة ، والا يكون قد سبق له أو للزوجة الحصول علي شقة من وزارة الإسكان.

– شرط السن الا يقل سن المتقدم عن 20 سنة ولا يزيد عن 60 سنه في بداية مدة الحجز.

– لا تزيد المرتب عن 4200 جنيه للأعزب و 5700 جنيهًا شهريًا للأسرة الزوج والزوجة في حالة عملها..

– الأولوية للعاملين أو المقيمين بالمحافظة، ويتم تخصيص مواقع الوحدات بنظام القرعة الإلكترونية العشوائية.

– تطبق الأولوية في حالة زيادة الطلبات عن الوحدات المتاحة، طبقاً للآتي: المتزوج ويعول ويشمل المرأة الأرملة وتعول والمطلقة وتعول.

– (الأولوية للأصغر سناً وفي حاله تساوي السن تكون الأولوية للأسرة الأكبر عدداً)، ثم المتزوج (الأولوية للأصغر سناً)، ثم الأعزب (الأولوية للأصغر سناً).

– انه لا يحق للمتقدم أو الأسرة المكونة من الزوج والزوجة والأولاد القصر التقدم لحجز اكثر من وحده.

– عدم امتلاك الأفراد السالف ذكرهم وحدات سكنية آخري.

– عدم حصولهم علي وحدة سكنية أو قرض تعاوني أو قطعة ارض سواء كانت بحوزته او تنازل عنها او شراكة مع اخرين او آلت للمتقدم أو الأسرة بالتنازل من الغير.

– سيتم مراعاة ٥٪؜ من الوحدات لذوي الإعاقة والاحتياجات الخاصة وذلك بشرط انطباق كافة الشروط السالف ذكرها عليهم بجانب تقديم المستند الذي يدل علي الإعاقة.

– كما قرر صندوق التمويل العقاري، تعديل قيمة الدعم الممنوح للمواطنين من محدودي الدخل ليصبح الدعم النقدي المقدم من 5000 جنيه إلى 25000 جنيهًا لأصحاب الدخول التي تتراوح بين 1500 جنيه إلى 3500 جنيهًا شهريا بحيث يزيد الدعم كلما انخفض الدخل .

أسعار شقق الإسكان الاجتماعي في المدن الجديدة بالمحافظات 2018 بعد زيادة سعرها
أسعار شقق الإسكان الاجتماعي في المدن الجديدة بالمحافظات 2018 بعد زيادة سعرها

 

سعر شقق الإسكان الاجتماعي 2018 بالكامل وقيمة المقدم

سعر الوحدة كاملة التشطيب 220 ألف جنيه، بالإضافة إلى 5 % من سعر الوحدة كوديعة صيانة، يتم سدادها نقداً عند التعاقد أو يتم تقسيطها ضمن التمويل الممنوح للعميل.

مقدم الحجز 15 ألف جنيه وفي بعض المحافظات سيكون سعر الشقة 230 ألف جنيه ، يرد في حالة عدم التخصيص، و140 جنيهاً مصاريف استعلام لا ترد، ويتم سدادها في أي مكتب بريد مميكن بكافة محافظات الجمهورية، على الحساب الذهبي رقم (0135013000234818) لحساب بنك التعمير والإسكان أو علي الحساب الجاري (٥٦٦٧٧) الخاص ببنك التعمير والإسكان ، بمكاتب البريد المميكنة.

بينما سيكون القسط الشهري بداية من 590 جنيها شهريا كحد أدنى، ويحدد طبقاً لضوابط التمويل العقاري ، في حالة سحب المقدمات المدفوعة يتم خصم 2% من إجمالي قيمة الوحدة كمصاريف إدارية.

 

طريقة التقديم في شقق الاسكان الاجتماعي 2018

-كما اوضحنا اعلي يتم شراء كراسة الشروط لتقديم استمارة الحجز وهي متاحة في جميع مكاتب البريد في المدن والمراكز المختلفة.

– ومن ثم يتم دفع مقدم شقة الاسكان الاجتماعي ال 15 الف جنيه بجانب مصاريف الاستعلام في مكاتب البريد.

– حيث أن قيمة مبلغ مقدم الحجر 15 ألف جنيه، يرد في حالة عدم التخصيص + 140 جنيه مصاريف استعلام “لا ترد في حالة عدم التخصيص” ، وذلك على الحساب الذهبي رقم (0135013000234818) لحساب بنك التعمير والإسكان، بمكاتب البريد المميكنة ، او الحساب الجاري (٥٦٦٧٧) الخاص ببنك التعمير والاسكان.

– ثم يتم إرسال جميع المستندات المطلوبة بواسطة العميل على الموقع الإلكتروني الخاص بصندوق التمويل العقاري التالي :-

www.mff.gov.eg

– وذلك بموجب الرقم الكودي الخاص بالعميل الذي يتم إرسالها على رقم التليفون المحمول الخاص به عند إنشاء حسابه على الموقع ، وفي حالة قبول المتقدم سيتم تقدم أصل المستندات إلى جهة التمويل بعد تحويل المتقدم إليها.

– بالنسبة لأصحاب المهن الحرة فيتم تقديم شهادة من محاسب قانوني تبين صافى الدخل الشهرى أو السنوي، لأصحاب المشروعات الصغيرة (محل – ورشة …..)، وتقديم صور الشهادات الرسمية المثبتة للحالة الاجتماعية، وعدد أفراد الأسرة وهي (صورة من وثيقة الزواج أو الطلاق أو الوفاة وشهادات ميلاد الأبناء (رقم قومي مميكنة)، وإيصال مرافق حديث لمحل السكن الحالي.

– يتم تقديم أصل المستندات إلى جهة التمويل “البنوك أو شركات التمويل العقاري” بعد تحويل المتقدم إليها، وانطباق الشروط عليه.

 

أماكن شراء كراسة شروط شقق الإسكان الاجتماعي 2018 و موعد التقديم لحجز الشقة

وأشار الوزير إلى أن شراء كراسة الشروط يتم من مكاتب البريد في المدن والمراكز،على أن يبدأ الحجز خلال شهر اكتوبر وفي شهر نوفمبر 2018 ، حيث يتم شراء كراسة الشروط ودفع مقدم حجز الشقة ومن ثم ملئ استمارة البيانات المرفقة بالكراسة وتقديمها مع باقي الأوراق المطلوبة.

 

شرح نظام الأولوية في تخصيص شقق الإسكان الاجتماعي 2018

– في حالة زيادة عدد المتقدمين عن عدد الوحدات تكون الأولوية طبقًا للتالي:

-المتزوج ويعول شامل المرأة الأرملة وتعول والمطلقة وتعول (الأولوية للأصغر سنًا وفي حالة تساوي السن تكون الأولوية للأسرة الأكبر عددًا).

-المتزوج والأولوية للأصغر سنًا.

-الأعزب والأولوية للأصغر سنًا.

شروط حجز شقة تابعة لوزارة الإسكان في المدن الجديدة وما هي الأوراق المطلوب تحضيرها
شروط حجز شقة تابعة لوزارة الإسكان في المدن الجديدة وما هي الأوراق المطلوب تحضيرها

 

طريقة حساب قسط شقة الإسكان الاجتماعي في الشهر وقيمة المقدم

صورة طريقة حساب مقدم استلام شقة الإسكان الاجتماعي 2018-2019 ومبلغ القسط الشهري المطلوب دفعة ونسبته من المرتب وقيمة الفائدة السنوية
صورة طريقة حساب مقدم استلام شقة الإسكان الاجتماعي 2018-2019 ومبلغ القسط الشهري المطلوب دفعة ونسبته من المرتب وقيمة الفائدة السنوية

وكما نشاهد في الصورة عبر موقع كلام سليم فإنه يتم حساب القسط الشهري لشقق الإسكان الاجتماعي حسب المرتب الشهري ، ويوضح الجدول مبلغ التمويل المقدم من البنك ، وقيمة مقدم استلام الشقة الذي يتم دفعة قبل استلام الشقة ، كذلك مبلغ الدعم من الحكومة المقدم للمواطن.

ومدة تقسيط شقق الإسكان الاجتماعي حتي 20 سنة وما هي سعر فائدة أفساط شقق الإسكان الاجتماعي ، كذلك نسبة ما سوف يتم خصمه من المرتب شهريا بعد تحويله علي البنك.

 

شاهد من هنــــــــــــــــــــا أيضا

تفاصيل تسجيل البيانات والتقديم على النت في موقع صندوق التمويل العقاري وطريقة رفع الاوراق المطلوبة

 

62 تعليقات
  1. ابو نادر يقول

    انا واخد قرض من بنك ناصر الاجتماعى وعندى زوجة واولاد ينفع اقدم ولكم جزيل الشكر

    1. كلام سليم يقول

      اه ممكن تقدم بس بعد كدا وقت اجراءات البنك عند تخصيص الشقة البنك هيطلب منك سداد القرض دا الاول قبل بداية اجراءات تخصيص الشقة ، لو الزوجة تعمل ممكن هي اللي تقدم باسمها للشقة

    2. وليد يقول

      لو سمحت لو انا طالب 23 سنه ف اخر سنه جامعه بس شغال شغل حر ودخلي 3000 اقدر اقدم ولا هيبقي في مشكله اني لسه طالب …. اعزب مش متزوج ؟؟؟؟؟

      1. كلام سليم يقول

        اه ممكن تقدم عادي طلما السن 21 سنة او اكبر وفيه وظيفة أو مصدر للدخل الشهري

  2. مريم شحاته يقول

    لو سمحتم هو اعلان الشقق اللى في القاهرة الجديدة هو دا اللى هتقدم فيه ؟؟ ولا ايه لان عدد الشقق قليل جدا مش زي السنة اللى فاتت

    1. كلام سليم يقول

      لا القاهرة الجديدة الاعلان اللي نازل دا هو تبع “شقق الاسكان الاجتماعي الحر” ، غير الاسكان الاجتماعي العادي اللى بنتكلم عليه في الموضوع

      الحر دا اللى هو ممكن دفع تمن الشقة كاش وبدون شروط فعلشان كدا نازل عدد قليل من الشقق وسعرها مرتفع عن الاسكان الاجتماعي العادي ، وعامة طريقة التقديم في الاتنين واحدة بتشتري كراسة الشروط من مكتب البريد وبيتم دفع المقدم وبعد كدا ارسال الاوراق على موقع صندوق التمويل العقاري

  3. ياسمين يقول

    شكرا على التفاصيل الدقيقة وعلى الوضوح في المعلومات والشرح التفصيلي الدقيق.
    قريت كذا موقع عن نفس الموضوع وكله كان بيكروت الصراحة،أول حاجة اقراها محترمة ومفصلة وتراعي القاريء فعلا.
    شكرا مرة تانية.

    1. كلام سليم يقول

      احنا سعداء بمشاركتك معانا وذوقك شكرا لكي ، هو فعلا الموضوع فيه تفاصيل كثيرة فحاولنا نجمع كل النقط في موضوع واحد بحيث يكون مفيد للناس

  4. nadyaa يقول

    من فضللك التقديم من امتى

    1. كلام سليم يقول

      لسه مفيش ميعاد محدد من الوزارة لكن ان شاء الله هيكون خلال اغسطس وسبتمبر

  5. احمد يقول

    لو سمحت كنت عايز اعرف هو انا بحط ١٥الف .لازم يبقي عندى حساب ف بنك الاسكان والتعمير ولا ممكن بحساب دفتر التوفير

    1. كلام سليم يقول

      لا انت بتدفع المبلغ في مكتب البريد بترسله على حساب بنك التعمير والاسكان المخصص في البريد برقم بطاقتك عادي مش محتاج فتح حساب في البريد ولا البنك

  6. amal يقول

    هو في فوائد على الشقق دي يعنى القسط بيزيد سنويا ؟

    1. كلام سليم يقول

      اه فيه فائدة تناقصية على قرض التمويل العقاري لشقق الاسكان الاجتماعي بنسبة 5 % ، ومعني فائدة متناقصة انهم بيحسبوها على المبلغ الباقي من ثمن الشقة كل سنة مش على المبلغ الاجمالي كله بحيث تكون الزيادة اقل

  7. عاطف جبل يقول

    لازم اللي يقدم علي شقه من نفس المحافظه يعني انا من القليوبيه مينفعش اقدم في القاهره.. ومقدم الحجز 15000 غير 27000 عند الاستلام ولا بس هكمل ال 12000 يبقي 27000.. وهل كل مامرتبي يقل القسط هيبقي اقل

    1. كلام سليم يقول

      الشرط هو الاقامة او العمل او تكون من مواليد المحافظة

      مقدم جدية الحجز ال 15 الف ، اما مقدم استلام الشقة بيكون مختلف من فرد لآخر حسب المرتب والسن وفي المتوسط حاليا هو ما بين 25 و 30 الف جنيه

      1. عاطف جبل يقول

        شكراا جدااا علي سرعه الرد
        وليا استفسار تاني هل لو انا عند قرض سياره مينفعش اقدم؟ ولو مفردات مرتبي 1500 هدفع القسط المكتوب و4750 هدفع زي الجدول ولا القسط واحد علي كل الناس حتي لو اختلفت مفردات مرتبهم ودخولهم.. وهل الشقق متقسمه حسب المرتبات مستويات دخل مع بعضها؟

  8. Nesma يقول

    لو سمحت انا فى قواضى بيبنى وبين زوجى ينفع اقدم والشقه تيجى باسمى ولا تيجى باسمه واسمى
    يعنى ينفع اقدم انا باسمى بس

    1. كلام سليم يقول

      اه طلما فيه مصدر دخل خاص بكي ممكن تقدمي باسمك وضمن الاوراق تقدمي اي مستند رسمي دال على وجود في قضايا حالية او الحالة الاجتماعية الحالية

  9. عايز شقه 22 يقول

    — هوا مقدم الاستلام بيكون 25 او 30 الف كاش ولا قسط ولو قسط بيكون ازاى ؟؟
    — مواصفات الشقه بيتكون ايه ؟

    1. كلام سليم يقول

      الاسكان الاجتماعي الحر المقدم 30 الف جنيه ، لكن الاسكان الاجتماعي العادي الاعلان العاشر اللي وضحناه في الموضوع المقدم 15 الف جنيه

      الشقة مساحتها 90 متر مربع متشطبة سوبر لوكس عبارة عن 3 غرف وصالة وحمام ومطبخ

  10. Kareem يقول

    انا شغال في محل مكوي مافيش اي ورق يثبت الدخل بتاعي ده عادي ولا لا واجمالي ثمن الوحده كله كام من بدايه مابقدم لحد اخر قسط اسف ع الاطاله

    1. كلام سليم يقول

      ممكن تعمل شهادة مفردات دخل من محاسب قانوني

      سعر الشقة حسب الاعلان الحالي 220 الف جنيه ، لكن السعر الاجمالي بالاقساط وغيره بالضبط مختلف من شخص لآخر حسب مدة التقسيط عامة هو هيكون في نهاية مدة ال 10 او ال 15 سنة بعد حساب الفائدة السنوية ، الاجمالي هيكون في حدود ال 260 الف جنيه

  11. صلاح يقول

    صباح الخير عليكم جميعا …شكرا جدا على الردود التفصيلية بجد بتوضحوا كل حاجة ربنا يكرمك..وسؤالى انا عايز اقدم على سكن مصر في أكتوبر بس انا خارج مصر وتقريبا مفيش حد ممكن يقدم لى ..هل في طريقة انى اأقدم وأشترى كراسة الشروط وادفع الفلوس من برة مصر بنفسى او ممكن اعمل توكيل لمحامى داخل مصر يقوم بكل الإجراءات دى .. ..وشكرا جزيلا

    1. كلام سليم يقول

      اسف على التاخير في الرد واهلا بيك معانا

      بالنسبة لسكن مصر التقديم متاح داخل مصر فقط فممكن تعمل توكيل لاحد افراد الاسرة في مصر او توكيل للمحامي وهو يقوم بالاجراءات

  12. احمد يقول

    هل الاسكان الاجتماعى تقديمة بدأ ولا الحر فقط ولا الاثنين مع بعض بدأو ؟

    1. كلام سليم يقول

      اللي بدا حاليا هو الاسكان الاجتماعي الحر بس لكن العادي لسه منزلش الاعلان

  13. محمد ابو الحسن يقول

    انا معاق ومعاشي 1100 ايه مميزات معاقين في السكن وايه اللي ممكن اخده!!؟ ايه شروط التقديم!!؟ ولا ماليش تقديم ولا ايه

    1. كلام سليم يقول

      نفس شروط التقديم هي هي ، لكن بيكون لذوي الاحتياجات الخاصة اولوية في الحصول على الشقق وامكانية تخصيص شقق الدور الاول لهم

  14. dalia يقول

    ممكن اعرف التسليم بعد قد ايه

    1. كلام سليم يقول

      بعد حوالي سنة

  15. ياسر مرغني يقول

    جزاكم الله خيرا
    تفاصيل جميلة ومفيدة

  16. عاطف جبل يقول

    انا سالت في مكاتب بريد القليوبيه كلها عشان احجز في العبور الجديده.. مش لاقي كراسه الشروط وقالولي المفروض كانت تيجي يوم وموصلتش وفي بعض الناس قالولي الاعلان للقاهره بس .. ارجو الافاده

    1. كلام سليم يقول

      هو الاعلان الحالي “شقق الاسكان الاجتماعي الحر” مفيش في العبور لا لكن فيه القاهرة الجديدة

      اما الاعلان العاشر اللى هو الاسكان الاجتماعي العادي لسه منزلش غالبا الوزارة هتأجله لبعد العيد

  17. Abdo يقول

    شكرا جدا ع الافاده
    كنت عايز اعرف انا مقيم في القليوبيه وشغال في المعادي هيبقي ليا مكان في شقق الاسكان الاجتماعي العادي ولا مش هينفع ؟

    1. كلام سليم يقول

      العفو اهلا بيك
      اه ممكن ، بشكل عام التقديم بيكون متاح في محافظة السكن أو محافظة العمل أو محافظة الميلاد

  18. خالد احمد يقول

    لو سمحت هو القسط الشهري بيكون حسب دخل الاسره ككل ام الشخص الذي قدم باسمه يعنى انا مرتبي٢٥٠٠ والزوجة١٥٠٠ هل القسط بيكون تبعا للذي قدم باسمه ام بمجموع دخل الاسرة. وشكرا مقدما

    1. كلام سليم يقول

      بيتم حسابه على مجموع مرتب الزوج والزوجة مع بعض

      لكن بالنسبة لتحويل المرتب على البنك لخصم القسط الشهري ممكن تقديم طلب ان مرتب الزوج او الزوجة هو بس اللى يتحول على البنك

  19. Asma يقول

    هل التقديم في هذه للشقق اغلى من شقق الاسكان الاجتماعي العادي . ولو انا مش متزوجة ولا اعمل حاليا ازاي التقديم . وايه الفرق بينه وبين شقق الاسكان الاجتماعي العادي

    1. كلام سليم يقول

      شقق الاسكان الاجتماعي الحر اغلي في السعر اقل سعر 300 الف جنيه و المقدم 30 الف جنيه وباسبقية الحجز والعدد المتاح قليل مقارنة بالعادي

      اما اللى اتكلمنا عنه في الموضوع هو الاسكان الاجتماعي العادي الاعلان العاشر سعر الشقة هيكون 220 الف جنيه والمقدم 15 الف جنيه ، والتقديم هيكون في مكاتب البريد زي ما وضحنا

      لازم مصدر للدخل الشهري سواء مرتب او معاش او غيره على اساس ان البنك هيخصم القسط الشهري من مصدر الدخل

  20. اسماعيل يقول

    ميعاد الاعلان العاشر امتة؟؟

    1. كلام سليم يقول

      لسه مفيش ميعاد محدد لكن ان شاء الله هيكون خلال شهر سبتمبر

  21. محمود مختار يقول

    لو سمحت ايه الفرق بين شقق الاسكان الحر والعادي هل الفرق بينهم الموقع والتشطيب عشان تكون ب300 الف

    1. كلام سليم يقول

      مفيش فرق في مواصفات وتشطيب الشقة بين الاتنين ، هو بس الوزارة حبت تجرب وتنزل شقق الاسكان الاجتماعي من غير شروط ومن غير دعم او تخفيض في سعر الشقة فعملوا نظام شقق الاسكان الاجتماعي الحر

  22. محمد يقول

    لو سمحت هو انا ممكن اقدم باسمى وباسم مراتى ولو انا من المنصوره ينفع اقدم فى مطروح عشان شغلي هناك وشكرا

    1. كلام سليم يقول

      طلما متزوج لازم الزوج والزوجة هيقدموا ورقهم ومفردات المرتب مع بعض لكن الاجراءت بتكون باسم الزوج او الزوجة حسب اختياركم

      اه ممكن التقديم في محافظة السكن او العمل او محل الميلاد

  23. محمود عبد الحميد يقول

    ممكن اعرف تقديم الاعلان العاشر بدأ قبل عيد الاضحي ولا لسه

    1. كلام سليم يقول

      لا لسه مبدأش اخر بيان من الوزارة انه هيكون بعد اجازة العيد خلال شهري سبتمبر واكتوبر

  24. وليد يقول

    عايز اقدم ينفع دلوقتى الاسكان الاجتماعى العادى

    1. كلام سليم يقول

      لسه مبدأش التقديم لكن ان شاء الله خلال شهر سبتمبر

  25. بسمه يقول

    لو سامحت انا بنت عندي ٢٧ سنه وبابا كبير في السن ينفع اقدم في الشقق دي وليا دخل شغاله في محل ينفع ولا ممكن الرد

    1. كلام سليم يقول

      اه ممكن تقدمي باسمك سواء بتقدمي مفردات مرتب شهري أو شهادة من محاسب قانوني بالدخل السنوي

  26. م محمد يقول

    عرض اكثر من رائع وبه جميع التفاصيل
    شكرا جزيلا

    1. كلام سليم يقول

      العفو وسعداء بمشاركتك معانا وان شاء الله بالتوفيق

      1. محمد يقول

        انا عندى شقه ايجار قديم بدفع 500 جنيه ينفع اقدم على شقق الاسكان الاجتماعى

        1. كلام سليم يقول

          اه ينفع طلما ايجار مش تمليك مفيش مشكلة ، قدم وان شاء الله بالتوفيق

  27. بولس هني اميل يقول

    انا مرتبي 1700 ومتزوج ينفع اقدم

    1. كلام سليم يقول

      اه ينفع

  28. محمد عواد يقول

    هل القسط بيتحسب على دخل المزوج فقط ولا على دخل الاسره كلها .. وبالنسبه للأقساط الربع سنوية بتبقى قبل الاستلام ولا بعده وبتبقى كام ؟ وشكرا مقدما

    1. كلام سليم يقول

      بيتم حسابه على دخل الاسرة لو الزوجة بتعمل

      الاقساط الربع سنوية بتبقي قبل الاستلام لكن مش اساسيه مثلا لو ميعاد التسليم قريب مش بيكون فيه اقساط ربع سنوية وحسب اخر اعلان كانت في حدود 4 الاف جنيه

  29. محمد عبدالله يقول

    لو سمحت هو التقديم خلص ولا لسه فيه تقديم ولو لسه فيه تقديم هيخلص امتى
    لان على ما اجهز الاوراق المطلوبه
    ارجو الرد لو سمحت

    1. كلام سليم يقول

      لسه هيبدأ من 31 اكتوبر ومستمر لحد شهر ديسمبر 2018

اترك رد

لن يتم نشر عنوان بريدك الإلكتروني.